POESIE IN DIALETTO SALENTINO
Salentu: terra te pizzica,te mare, te jentu.
Sere t'estate
E' ormai passatu lu tiempu t'estate
ssattati tutt'insieme allu pazzulu
cu sciochi te patruddri tra le mani
e campane disegnate sulla via.
Lu tiempu scurria e ceddri lu cuntuva
lestu fucia e ceddri lu farmava.
Sparine li panzieri e caru era l'amicu
ca a drai te 'ncatinava tutte le sere
finu allu fischiu te lu tata
ca te chiamava allu dovere.
Mese ... nanti mese
Gennaiu, 'nu schioppu te spumante
e parte steracusu cu caricu pesante
Febbraiu, curtu e riscialatu
curianduli all'aria puru c'è malatu
Marzu, sta rria lemme lemme
n'occhiurizzu allu jentu e l'addru alle gemme
Aprile, sonnu a tumanate
ma le campane te lu Risortu lu faciane disciatare
Masciu, sciardinu te rosa
te ndoru e delizia se veste ogni cosa
Giugnu, curtu te notte longu te giurnu
granu mietutu e pane intra lu furnu
Lugliu, mare d'argentu e prima calura
se zaccane sottarazzu le stelle cu la luna
Agostu, pennellate te pittore
cime cariche te frutti brillane allu sole
Settembre, già prontu è lu tinu
li gargioppi nzuccarati su perle te vinu
Ottobre, te nueja è fattu lu velu
tuttu se copre te brina e de scelu
Novembre, nu ricordu e na preghiera
pe' dri astri ca 'n celu brillane la sera
Dicembre, dopu l'attesa l'anima è pronta
cu mbrazza lu Bambinieddru natu intra la grotta .
Girane li misi comu giri te ballata:
n'annu è passatu, 'o te lu cuntu n'addra fiata?
( Dedicata ai miei figli lontani)
E aspettu
E all'umbrunire
spettu 'nnanzi a mare
quandu lu sole
straccu se riposa:
jeu spettu ... spettu ...
te lenta ... lenta ...
te 'vvicini,
nun è de te ca maggiu 'nnamurata,
notte scura,
ma te dri to lucenti
occhi te luna
M'AE CHIAMATU LU BAMBINU
M'ae chiamatu lu Bambinu
e ndaggiu sciutu chiù vicinu:
"Senti quai beddru meu
nu favore oju jeu:
ndai dire a quista gente,
e cu lu tene sempre a mente,
ca lu mundu nu bae bonu
pe ci se ssetta su lu tronu
fattu sulu te danaru
e mai se sente all'addru paru.
Me sai dire ci ricoje?
Sulu guai, sulu doje.
Jeu, invece, stu Natale
nu cunsiju t'aggiu dare:
ci teve riccu oi daventi
dona senza chiedi nienti"
Alli to mari
Serate te criddri e cicale
paesaggiu te terra e de mare,
a fiate nu soffiu te brezza
ca tuce tuce te ncarizza,
addre jentu te sciaroccu
ca cu passa prju San Roccu
e iddru rispunde: "Troate cuntentu
ci alli "to mari" c'è sempre tantu jentu:
se porta a rretu duluri e panzieri
perciò li Salentini su gente te jeri,
gente te tradizioni rradicate
ca se ama senza barricate.
E lu jutu diventa na cirasa:
se nu seme me tai,
te ne rendu na capasa!
MUSICA SALENTINA
A nfacce allu mare
tira tantu jentu,
c’è sempre movimentu:
rusciu te tarante,
girate te pizzaca ballante.
Soni te tamburi
te chiamane alla via
pe’ cantare a notte fonda
tra tanta cumpagnia.
La settimana santa
passa tra lazzareni e matinate,
aprane la via
alla frenasia
te notti llunate.
Notte te la taranta
ormai la chiamane
e puru lu turista balla e canta
te la sera finu alla mmane.
E’musica mpizzacata
ca ci stai fermu te trascina
è forte, è scazzacata,
è musica salentina
ALLA MAMMA MEA
Mamma, osci è lu giurnu tou
e do rime pe' te tocca trou,
ci me vènane meju pe te
ca sta spetti ferma 'nnanzi a me!
Certe fiate, lu sacciu, te stizzi
ma a me vene te fazzu carizzi,
nu me tire ca nu' ghè bberu:
jeu stu mumentu su' sinceru.
Me piace ca te preoccupi te me,
tici ca su' mutu 'mportante pe te.
L'amore nosciu nu po' mai finire
nde serve pe' moi e pe' l'avvenire.
VIGILI TE SANNICOLA
Ma l’iti visti li vigili te Sannicola
alla trasuta e alla ssuta te la scola?
Nui vagnuni li facimu mpaccire:
ci va a destra, ci a sinistra,
ci ha ‘nchianare e ci ha scindire.
Quandu poi imu traversare,
vanne e scoprila la striscia pedonale.
Li mesci ticiane ca l’imu usare
se no facimu n’infrazione.
Ca ieu ticu:
mintiti n’addru picca te culore!
Ieu però ‘na multa la facia
a qualche genitore
ca se ferma menzu la via
e cunta pe ore e ore
e lu vigile ca tice:
“ Mena mena, passa passa!”
ma stane fermi
e spettane comu l’ua passa.
Comunque, cu nde la manda
bona lu Signore
simu sempre nui
ca imu fare attenzione!
AI VIGILI URBANI DI SANNICOLA
UN AMICO PER STRADA
Se nel traffico non sai cosa fare
c’è un amico che ti può aiutare,
basta un cenno, un cenno di mano.
Sai chi è? E’ il vigile urbano.
Li vedi per strada sempre attenti
Cauzo, Marra, De Salve, Chimienti
e per l’ostinato autista o passante
interviene anche Marti, la comandante…
sempre all’erta a far rispettare
le tante regole del codice stradale.
Perciò cittadino di Sannicola
qui la regola è una sola:
per strada devi bene comportarti
se no una multa nessuno può levarti.